يالغرنجي يا ساكن العين

تشفى جروحي من دواكم ................ يالغرنجي يا أريش العين

طعنة بصدري من جداكم ................ قصت فوادي والشرايين

والحين أنا روحي معاكم ................ تتبع أثركم من اسنين

هم وبلاني من بلاكم ................ وأصبحت أنا م المساكين

ما أظن بالدنيا شراكم ................ وأنا تراني من الطين

سكنتوا بفوادي تراكم ................ واشغلتوا العقل والعين

أسكن وأذري من ذراكم ................ وأضوي ما بيننا البين

أطلب من الله رضاكم ................ وأطلبك من طلبـة الهين

تمسح الجرح بيداكم ................ يالغرنجي يا ساكن العين